Miskunnsemi vil ég, ekki fórnir.

Það eru næstum allir miður sín útaf þessu með bangsann! Þetta er líka bara svo ótrúlegt klúður hjá stjórnvöldum hér, þau eru ekki undirbúin fyrir eitt né neitt, þykjast t.d ekki eiga til þessi nauðsynlegu deyfilyf og eru bara góð í að koma með afsakanir. Vitsmunaverur eru miður sín yfir þessu!

Svona fólk einsog það sem situr á valdastólum okkar lands stofnar saklausum borgurum í voða með heimsku sinni og þau líta það hinum jákvæðustu augum að dýr séu drepin við hvert tilgangslausa tækifærið sem gefst. Amk gera þau ekkert í því að blóðþyrsta fólkið fái að vaða uppi og skjóti á hvað sem því líkar. Það þykir bara fínt að vera heilalaus hálfviti með byssu á hinu góða Íslandi. Össur og Imba fá reyndar smá hrós fyrir sína hvalavernd, en flestir félagar þeirra hugsa því miður ekkert útí það jákvæða og góða sem fylgir því að breyta rétt. Það er eina leiðin til að bjarga landinu: miskunnsemi!

Í stað þess að flytja björninn heim einsog vel hefði verið hægt að gera (amk reyna) þá koma þau með sömu væluræðuna enn og aftur: “við kunnum ekki, við getum ekki, norðmenn drepa þessi dýr, bla bla bla….” ógeðslegt helvítis kjaftæði sem ég höndla örugglega ekki mikið lengur. Þetta er meira og minna bara lygabull! Norðmenn hefðu ekki drepið þennan björn, við eigum deyfilyfin bara víst og hérna er nægileg þekking á allskyns björgunarafrekum til að koma þessum hrakta ferðalang aftur heim! Mig langar ekki að búa í svona heimskulegu samfélagi. Þeir sem ráða hafa flestir engan skilning á því sem snertir hið mannlega (það eina sem skiptir máli) og almennt þá ræður heimskan för, – umræðan á meðal landsmanna hefur verið eftir því síðustu áratugi. Við erum löngu komin með uppí kok yfir þessu og höngum á okkar síðustu taug eins lengi og við höldum voninni, en hún snappar á endanum. Ok við erum rík, eigum allt og fáum allt. En við erum andlega dauð þjóð.

Viðbætur:

Meiraðsegja lítið þjóð á pínkulítilli eyju sem glímir við borgarastyrjöld og ómælda erfiðleika getur gert meira og betra fyrir sín dýr heldur en við: Fílar í kúlnahríð á Sri Lanka

Þórunn Sveinbjarnardóttir er núna að reyna að fegra sinn hlut í þessu öllu saman, þannig að ég segi bara: “greyið hún að hafa strax í upphafi logið þessu með deyfilyfið”. Enginn mun trúa henni framar. Fólk skilur ekki hversvegna það var ekki staðið fagmannlega að verki. Afhverju varð að sýna vítavert gáleysi og stofna mönnum og dýrum í óþarfa voða? Svo var öllu dembt í fréttirnar strax, og því haldið fram að við vissum ekkert og gætum ekkert, osfrv osfrv. Endalaust klúður. Og afhverju var svo allur þessi aumingjaskapur? Afhverju ekki bara að segja: “við reddum þessu” og verða hetjur í kjölfarið? Björninn hefði ábyggilega heldur viljað eiga kost á því að lifa af erfiðan flutning heldur en að vera skotinn þegar hann kemur máttfarinn í land

Viðbætum lokið

************************************************************************************

Einu sinni gekk ísbjörn á land akkúrat á nesinu þarsem ég á heima, það var hafísaveturinn mikla 1880-81. Sá björn var banhungraður og orðinn sturlaður eftir einveruna á ísnum. Vinnumaðurinn sá hann koma á land og hljóp af stað heim. Björninn elti og mennirnir rétt náðu að hlaupa inn í hús og gera byssuna klára. Hundur sem var bundinn fyrir utan bæinn varð munnbiti fyrir ísbjörninn (hann tók stóran bita úr hryggnum) og hann ætlaði að fara að ráðast til inngöngu í húsið þegar hann var skotinn úr glugganum.

Þrátt fyrir þetta óttast ég ísbirni ekkert. Áður en ég heyrði þessa sögu dreymdi mig einu sinni að það kom ísbjörn á land og hélt næsta nágrenni mínu í gíslingu og fór upp tröppurnar, ég var inni í húsinu dauðhrædd. Ég man þetta ennþá þó að mig hafi dreymt þetta fyrir mjög mörgum árum.

****************************************************************************************

Það er síðan eitthvað rosalegt líka að gerast í sambandi við dýr og táknræna atburði, útum allan heim.

Hérna eru linkar á örfáar sögur sem fjalla um sumt af því sem hefur verið að gerast í Bretlandi. Þess virði að lesa. Dásamlega merkileg dýr eru að fæðast og svona

Huggun harmi gegn. Blessuð sé minning bangsans…..

.

hvíta folaldið í Nýja Skógi

tveir hvítir hirtir

meira um hjörtinn

************************************************************************

það er næstum alltaf maðurinn sem er vandamálið…..